Tezda homilador bo’lish uchun usullar, yo’llar, tavsiyalar, to’g’ri vaqtni tanlash, xalq tabobati

Homiladorlik ovulyatsiya paytida jinsiy aloqa qilinganda yuz berishi mumkin. Biroq, ovulyatsiyaning to’g’ri vaqti va sifatli sperma — bu homilador bo’lish uchun barcha kerakli sharoit va kafolat degani emas. Bulardan tashqari e’tiborga olish kerak bo’lgan nozik jihatlar ham mavjud.

qanday qilib homilador bo'lish mumkin

Stress homilador bo’lishga yo’l qo’ymaydi

Stress — homilador bo’la olmaslikning yetakchi sabablaridan biridir. Agar siz tez homilador bo’lishni istasangiz, yengillashishni o’rganishingiz kerak bo’ladi: autotrening qo’llash, aromaterapiya, massaj va aromatik vannalar qabul qilish, shuningdek tinchlantiruvchi o’tlar yordamiga murojaat qilishingiz mumkin.
Homiladorlik to’g’risida batafsil→

Zararli odatlar homiladorlikni oldini oladi

Sigaret chekadigan ayollar kamroq tez homilador bo’lish imkoniyatga ega. Chekadigan erkaklar spermasida spermatozoidlar kam bo’ladi, shuningdek faolligi ham past bo’ladi. Xuddi shunday tarzda urug’lantirishga kofein ham salbiy ta’sir ko’rsatadi.

To’g’ri va sog’lom ovqatlaning

Tezda homilador bo’lish uchun ayol organizmi yetarli vitamin E qabul qilishi kerak, shu sababli taomnomaga ko’proq ko’katlar, sabzavotlar, bo’tqalar, non, shuningdek foliy kislotasiga boy bo’lgan o’simlik va zaytun moylarini kiritish kerak. Bu vitamin har ikki tomonning jinsiy faoliyatiga ijobiy ta’sir ko’rsatadi, shuningdek tuxumdonlarning yaxshiroq ishlashiga yordam beradi. Ko’proq meva yeyishni unutmang.

Anovulyatsiyasi bo’lgan ayollar har kuni dukkaklilar va yong’oqlar iste’mol qilishlari tavsiya etiladi. Har kuni albatta pishloq, yogurt yoki yog’li sut iste’mol qiling.

Erkaklar baliq, yong’oq va go’shtni e’tiborsiz qoldirmasliklari kerak. Ushbu mahsulotlar spermatozoidalarning harakatchanligi va faolligini oshirishi mumkin.

O’z taomnomangizdan shirinliklar, un mahsulotlari, shuningdek, tarkibida bo’yoqlar, turli konservatntlar, qo’shimchalar va kantserogenlar saqlagan mahsulotlari chiqarib tashlang.

Xitoy tibbiyoti maslahat beradi:

Nordon mahsulotlar o’rniga ko’proq ishqorli taomlardan iste’mol qiling. Buning natijasida tanada homilador bo’lish uchun zarur kislota-ishqoriy muvozanat hosil bo’ladi. Ishqoriy oziq-ovqatlarga mansub mahsulotlar: sitruslardan tashqari barcha mevalar, ko’chatlar, sabzavot va o’tlar (masalan, valeriana ildizi ). Sut, go’sht va donlar — keraksiz kislotali muhitni yaratishga qodir bo’lgan mahsulotlardir.

O’z vazningizni me’yoriy holatga keltiring

Juda ozg’in yoki aksincha, juda to’lacha ayollar homilador bo’lish bilan bog’liq muammolarga duch kelishlari mumkin. Tana vazni haqida erkaklar ham o’ylab ko’rishlari kerak: u me’yordan chetlashganida organizm kamroq sperma ishlab chiqaradi.

Dorilarni qo’llashni cheklang

Xususan, antibiotiklar, antigistaminlar va analgetiklar (og’riq qoldiruvchilar), chunki ular tuxum hujayraning yetilishiga to’sqinlik qiladi. Jinsiy aloqa paytida lubrikantlarni ishlatmang, ular spermatozoidlarni nobud qiladi.

Homilador bo’lish uchun xalqona vositalar

Bepushtlikka qarshi yordam beradigan bir nechta xalq tabobati usullari mavjud. Yaxshi vositalar qatorida, masalan, tuxumdonlar va bachadonlarni faoliyatiga ijobiy ta’sir ko’rsatadigan va homilador bo’lishga hissa qo’shadigan sporish (rus. спорыш) o’tidir. Bepushtlikka qarshi kurashda mavrak va bir yonli ortiliya (borovaya matka) ham samarali vosita hisoblanadi. Agar siz «xalq tabobati yordamida homilador bo’lish uchun nima qilish kerak?» degan savolga berilgan bo’lsangiz, bu usullarni faqat shifokor bilan maslahatlashganidan keyin qo’llash mumkinligini esdan chiqarmang.

Shuni bilish kerakki, tez homilador bo’lish usullari va xalqona yo’llari mavjud bo’lishiga qaramay, bepushtlik sabablari hammada turlicha bo’lishi mumkin, shuning uchun uy sharoitida xalqona vositalarni nazoratsiz qabul qilish hozirgi holatingizni yanada yomonlashtirishi mumkin va tez homilador bo’lish imkoni qo’ldan chiqariladi. Masalan mavrak bepushtlikni faqat estrogen yetishmasligi qayd qilingan bo’lsa samarali davolaydi, boshqa tashxislarda esa homilador bo’lish ehtimolligini sezilarli darajada pasaytirib yuborishi mumkin.

Homiladorlik boshlanishi uchun to’g’ri vaqtni tanlash

Menstrual siklning homilador bo’lishi ehtimolligi eng yuqori bo’lgan vaqt oralig’i fertil (unumdor) davr deb nomlanadi. U 6 kun davom etadi: ovulyatsiyadan 5 kun oldin va undan 1 kun keyin. Urug’lantirish uchun eng maqbul davr: ovulyatsiyadan ikki kun oldin va ovulyatsiya kunining o’zidayoq. Ovulyatsiya kunini to’g’ri hisoblab chiqib va ungacha 1-2 kun jinsiy aloqa qilishdan saqlanib turib, siz homilador bo’lish ehtimolligini bir necha marta oshirishingiz mumkin.
Ovulyatsiya to’g’risida batafsil→

Tezda homilador bo’lish uchun nima qilish kerak?

Farzandli bo’lishni istayotgan juftliklarga yetarlicha oddiy homilador bo’lish yo’llari mavjd: agar jinsiy aloqa xatosiz ovulyatsiya kuniga to’g’ri kelishini istasangiz, hayz siklning 10 va 18 kunlari (bunda 1-kun menstruatsiyaning 1-kunidan boshlab hisoblanadi) oralig’ida har ikkinchi kun jinsiy aloqa qiling.

Eng yaxshisi, ehtimolli ovulyatsiya kunigacha bir necha oy davomida shunchaki jinsiy aloqaga kirishish kerak.

Tezda o’g’il yoki qizga homilador bo’lish qoidalari

Ushbu usullardan biri keyingicha. Ma’lumki, sperma ikki turdagi spermatozoiddan iborat: «erkak» — Y-spermatozoid va «ayol» — X-spermatozoid.

Jinsiy aloqa ovulyatsiyadan oldin sodir bo’lgan taqdirda, urug’lantirishgacha «ayol» spermatozoidlarida yashab qolish imkoniyati mavjud. Jinsiy aloqa ovulyatsiyadan keyin bo’ladigan bo’lsa, «erkak» spermatozoidlar tuxum hujayraga birinchi bo’lib yetib boshishi imkon bo’ladi.

Qanday qilib tezda qizga homilador bo’lish mumkin? Ushbu usuldan foydalanish uchun ovulyatsiya boshlanishining aniq kunini aniqlash kerak (masalan, bazal harorat jadvalini qo’llash orqali). Ovulyatsiyadan ancha oldin sodir bo’lgan jinsiy aloqalar natijasida, qiz tug’ilishi ko’proq ehtimolli bo’ladi. Qiz farzand ko’rish to’g’risida batafsil ma’lumot→

Qanday qilib tezda o’g’il farzandga homilador bo’lish mumkin? Agar jinsiy aloqa ovulyatsiyada vaqtida yoki undan biroz keyin bo’lgan bo’lsa, ehtimol, sizda o’g’il bo’ladi. Bu usul ish berishi uchun juda muhim shart, ovulyatsiya kunini juda aniq bilish kerak, chunki hatto 1 kunga adashish ham teskari natija berishi mumkin (masalan homila o’g’il emas, qiz bo’lib qolishi mumkin. O’g’il farzand ko’rish haqida ko’proq ma’lumot→

Tezroq homilador bo’lish uchun qanchalik tez-tez jinsiy aloqa qilish kerak?

Fertil davrda kunora jinsiy munosabatlarda bo’lgan juftliklarning homilador bo’lish ko’rsatkichi (22%) har kuni jinsiy munosabatlarda bo’lgan juftliklarning homilador bo’lishi ko’rsatkichi (25%) bilan deyarli bir xil. Ammo haftada bir marta jinsiy aloqada bo’lgan juftliklarda natija 10% ga teng, chunki ular shunchaki homilador bo’lish mumkin bo’lgan asosiy va muhim lahzani qo’ldan chiqarib yuborishlari mumkin.

Muvaffaqiyatli homilador bo’lish uchun maqbul ritm haftada to’rt marta va undan ko’proq jinsiy aloqa qilishdir. Tiyilish holatida esa, taxminan 5-6 kundan boshlab bu ehtimollik pasayadi.

Munosabatlar uchun optimal grafik: fertil davrgacha har kuni jinsiy aloqa, menstrual sikl o’rtalarida esa kunora.

Qaysi pozada tez homilador bo’lish mumkin?

Maxsus xivchini bo’lgan spermatozoidlar juda tez harakatlanishga qodir va yo’li davomida bir qator to’siqlarni bartaraf qilib o’tadi, shuning uchun urug’lantirish har qanday holatda ham amalga oshadi. Biroq bachadonnning joylashuvi yoki shakli xususiyatlari sabab bo’ladigan ba’zi holatlarda (egilib qolishi, ortga qarab qolishi va boshqalar) to’g’ri tanlangan poza eyakulyatsiya vaqtida sezilarli yordam berishi mumkin. Tez homilador bo’lish uchun pozalar: oyoqlarni qoringa egib olish holati erkak spermasi va bachadon bo’yni o’rtasida maksimal aloqani ta’minlaydi. Bachadon egilishi bo’lgan ayollar uchun, jinsiy sherigi orqada joylashgan holat qulayroqdir.

Agar eyakulyatsiyadan keyin sonlar darhol ko’tarilsa — sperma kamroq chiqib ketadi va ko’pchiligi o’z faoliyatini davom ettiradi. Jinsiy aloqadan keyin birdan turib ishlarga kirishib ketish kerak emas. Sonlar ostiga kichikroq bolish qo’ying va 10 daqiqa davomida dam oling. Bundan tashqari, kuraklarga tayanib «qayin» holatiga kirishingiz ham mumkin.

Homiladorlik baribir sodir bo’lmasa-chi?

Yodda tuting, og’zaki kontratseptivlarni qabul qilishni tugatgach, kamida bir oy o’tishi kerak. Depo-Provera kabi preparat qabul qilgan bo’lsangiz, normal ovulyatsiya tiklanishi uchun 1-1,5 yil vaqt kerak bo’lishi mumkin. 30 yoshgacha bo’lgan ayollar uchun shifokorlar bir yil ichida tezda homilador bo’la olmagan taqdirda, juda ham ko’p tashvishlanmaslikni tavsiya etadilar.

Agar ayolning yoshi kattaroq bo’lsa, homilador bo’lish bilan bog’liq murakkabliklar kuchayib boradi va shifokor bilan maslahatlashishini ortga surish maqsadga muvofiq emas.

40 yoshdan keyin tezda homilador bo’lish usullari?

Mutaxassislar quyidagi sxemaga rioya qilishni maslahat berishadi: 30 dan 35 yoshgacha bo’lgan ayollar davomida homilador bo’lish uchun urinishlar muvaffaqiytasizlikka uchragan taqdirda 6-9 oydan keyin, 35-40 yoshdagi ayollar 6 oydan so’ng, 40 yoshdan oshgan ayollar esa 3 oydan so’ng ginekologga murojaat qilishlari kerak.

Abortdan keyin tezda homilador bo’lish uchun nima qilish kerak?

Ayollar birinchi navbatda yodda tutishlari kerak: abort kuni (ham tabiiy, ham tibbiy) yangi menstrual siklning birinchi kuni deb hisoblanishi kerak. Shundan kelib chiqib, ayol fiziologiyasiga ko’ra, agar ovulyatsiya yuz bersa, abortdan keyin 2 hafta o’tgach homilador bo’lish imkoniyati mavjud, albatta agar ovulyatsiya kuni yoki ungacha bir necha kun davomida himoyalanmagan jinsiy aloqa sodir bo’lgan bo’lsa.

Shuni bilingki, homila tushishidan yoki abortdan keyin tez homilador bo’lish imkonsiz narsa emas, biroq shoshilish kerak emas, hatto siz bu farzandni intiqlik bilan kutayotgan bo’lsangiz ham. Ayol organizmi boshdan kechirilgan stressdan so’ng to’liq tiklanishi kerak. Homiladorlik o’z-o’zidan tugallanganmi yoki bu abortmi, qat’iy nazar, ayol organizmida jiddiy gormonal buzilish yuzaga kelgan bo’ladi va u to’liq tiklanishi uchun vaqt talab etiladi. Shifokorlar abortdan keyin kamida 3 oy saqlanib turishni tavsiya qilishadi, chunki yangi homiladorlik yuqori ehtimollik bilan yana ayanchli tugashi mumkin…

Homila tushishidan keyin

Homilaning yo’qotilishi juda katta fojia hisoblangan va qanday qilib tezda homilador bo’lish mumkin degan savolga berilayotgan ayollar shuni bilishlari kerakki, agar ayol salomatligi bilan jiddiy muammolar mavjud bo’lmasa, homila tushishidan keyin tezda qayta homilador bo’lish imkoni mavjud. Hammasi shundaki, homila tushishi holatlarining aksariyati onaning yomon sog’lig’i tufayli emas, balki embrionning xromosoma patologiyalari natijasida sodir bo’ladi. Shuning uchun taslim bo’lmang. Ammo, yuqorida aytilganidek, qayta homilador bo’lishdan oldin kamida 3-4 oy vaqt o’tishi kerak.

Tug’ruqdan keyin tezroq homilador bo’lishim mumkinmi?

Ayol fiziologiyasi shundan iboratki, tug’ruqdan keyin ikki hafta o’tgach yana homilador bo’lishi mumkin. Ammo, zamonaviy tibbiyot tug’ishlar o’rtasida ikki yillik vaqti oralig’ini saqlab turishni tavsiya qiladi, bu organizmni tiklanishi va dam olishiga imkon beradi. Agar tug’ruqdan keyin tezda homilador bo’lish va bir yosh farq qiladigan bolalarni xohlasangiz, avvalgi homiladorlik va tug’ruqlar muammolarsiz o’tgan bo’lsa, ikkinchi homiladorlikdan qo’rqish uchun hech qanday sabab yo’q.

Spiraldan keyin

Spiral olib tashlangandan so’ng, bachadon ichki qatlamini tiklanishi uchun kamida bitta menstrual sikl o’tishi kerak, bu vaqtni esa homiladorlikka tayyorgarlik ko’rish uchun unumli o’tkazish kerak. Shifokorlar bachadon ichi spirali olib tashlanganidan keyin ham darhol homilador bo’lishni maslahat bermaydi, organizm tiklanib olishi uchun 3-6 oy kutish kerak.

Farzand ko’rish uchun nima qilish kerak: tezda homilador bo’lish yo’llari

Ma’lumki, hayol hayotga ko’chadi va har qanday hodisalar asosida niyat yotadi. Bo’lajak farzandingiz qanday bo’lishini tasavvur qiling, uzoq kutilgan chaqalog’ingizni ko’z oldingizga keltiring, uning tabiati, odatlari, tashqi ko’rinishini hayolan tasvirlang. Ko’pni duosini olish, yaratgandan so’rash birinchi navbatda turishi kerak.

Homilador bo'lish uchun nima qilish kerak

Oddiy urug’lantirishni amalga oshirish mumkin bo’lmagan hollarda nima qilish kerak?

Yuqorida aytilgan barcha usullar uyda homilador bo’lish masalasiga javob beradi. Ba’zida faqat tibbiyot yordam berishi mumkin. Bunda ultratovush usuli nazoratida laparaskop yordamida yetilgan tuxum hujayra follikulyar suyuqlik bilan birga shpirtsga so’rib olish orqali follikuldan ajratib olinadi. Keyin u (tuxum hujayrani) maxsus ozuqa muhitiga joylashtiriladi va unga erning spermatozoidlari kiritiladi.

Urug’lantirish jarayoni mikroskop ostida nazorat qilinadi va agar muvaffaqiyatli bo’lsa, maxsus inkubator — termostatda saqlanadi. Tuxum hujayra muayyan yetuklikka yetganida, u implantatsiya bo’lishi va keyingi o’sishi va rivojlanishi uchun bachadonga qaytariladi.

1 yulduz2 yulduz3 yulduz4 yulduz5 yulduz 24 ta baho berilgan
Загрузка...
Matnda xatolik aniqladingizmi? Uni ajratib, Ctrl+Enter tugmasini bosing.
Загрузка...

Ushbu mazvuda 6 ta fikr qoldirilgan

  1. Assalom alekum. Savolim qizlik pardasi bolsa xam homilador bolib qolish mumkinmi? Agar mumkin bolsa qanday qilib? Oldindan rahmat

    1. Xa mumkin, agar eyakulyatsiya bevosita jinsiy a’zoga yoki hatto unga yaqin joyga bo’lgan bo’lsa, spermatozoidlar qizlik parda mavjudligiga qaramasdan ham bachadonga yetib borishi mumkin. Qolgani odatiy jarayonlar bilan davom etadi.

        1. Vaaleykum assalom. Buning uchun ginekologga uchrashish kerak. Homilani tushirish haqida esa ushbu sahifada o’qishingiz mumkin.

  2. Assalomu aleykum biz erim bn judayam farzandli bolishni hohlaymiz lekin hich bo’lmayaрti. Menimcha meni shamollashim bor. Kandey kilib homiladorkolsam bo’ladi, shamollash bolsa ham homila kolish kiyinmi?

    1. Vaaleykum assalom, shamollash, ya’ni organizmning sovqotishi natijasida mahalliy immunitetning pasayishi, qon tomirlarining torayishi va mos ravishda qon aylanishining buzilishi oqibatida ichki a’zolarning yallig’lanishi va infektsion kasalliklarga duch kelishi kuzatilishi mumkin. Homiladorlikka to’sqinlik qilishga qodir bo’lgan kasalliklar esa talaygina. Maqolada bepushtlik sabablariga havola keltirilgan. Yagona to’g’ri yo’l — shifokorga murojaat qilib, tegishli tahlillar topshirish va uning natijalariga ko’ra davolanishdir. Ehtimol, buning sababi sizda emasdir. Har qanday holda ham turmush o’rtog’ingiz bilan birgalikda tekshiruvlardan o’tish tavsiya etiladi.

Izoh qoldirish

E-mail manzilingiz oshkor etilmaydi. To'ldirish majburiy bo'lgan maydonlar * bilan belgilangan

yuklanmoqda...