Ozishning ko’p yo’llari bor, lekin barchasi ham xavfsiz emas. Sog’likka ziyon yetkazmasdan zararsiz ozish — bu to’g’ri ovqatlanish, muntazam mashqlar va ijobiy munosabat demakdir. Sizga 5 ta zararsiz ozish usulni tavsiya qilamiz.
Zararli dietasiz ozish
Ko’p parhezlar muvozanatli emas. Bundan tashqari, ovqatlanishni qat’iy cheklash zarurati organizm uchun stressdir. Aynan shu ozish uchun parhezning mumkin bo’lgan zarari hisoblanadi.
Odatiy ovqatlanish qat’iy perhez bilan almashtirilganda, organizm buni stress deb biladi. U o’z hayotini qo’llab-quvvatlash uchun o’z resurslarini yoqishga kirishadi. Ehtimol, sizni vazn tezda tark eta boshlaydi. Ammo baribir, inson uzoq vaqt davomida qat’iy bir xil parhezni saqlab turolmaydi. Oddiy taomnomaga qaytganida, kishi yana ko’proq vazn olishga kirishadi. Buning sababi, organizm o’z resurslarini tiklashga intiladi, va muhimi bu safar ko’proq «yoqilg’i» jamlab olishga harakat qiladi. Shuning uchun, zararsiz ozish uchun dastlabki qadam — qat’iy parhezlar haqida unuting va ozish uchun sog’lom ovqatlanishga o’ting.
Ozish uchun so’glom ovqatlanish
Eng xavsiz parhez — ozish uchun sog’lom ovqatlanish hisoblanadi. Taomnomangizni qayta ko’rib chiqing:
- Oddiy uglevodlarni iste’mol qilishni 20% ga qisqartiring (non, makaron, donlilar, pishiriqlar);
- Barra sabzavotlar va mevalar ozish uchun sog’lom ovqatlanishning muhim qismidir;
- Spirtli ichimliklarni iste’mol qilishni to’liq rad etish kerak;
- Taomnomadan keraksiz suyuqlik kaloriyalarni chiqarib tashlang — shirin gazlangan ichimliklar, sharbatlar, mevali ichimliklar, shirin choy va qahva;
- Kuniga 4-5 marta kichik miqdordan ovqatlaning, ovqatni yaxshilab chaynang.
5 kilogrammga ozish uchun qat’iy parhez tutishga hojat yo’q. Vazn normal holatga kelishi uchun yetarlicha sog’lom oziqlanish va oqilona mashqlar bajaring.
Suv — zararsiz ozishning asosi
Sog’lom ozish uchun suv parhezning alohida muhim qismidir. Kuniga kamida 2 litr suv iching. Ovqatlanishlar orasida 2 stakan toza suv ichilsa, modda almashinuvi tezlashadi. Ya’ni, yog’larni yoqish tezlashadi.
Suv bizga ortiqcha ovqat yeb yuborishga yo’l qo’ymaydi. Ma’lumki, ko’pincha organizm ochlik va chanqoqlikni adashtirib yuborishi mumkin. Demak, bir stakan suv ichish o’rniga, biz ovqatlanishni boshlaymiz. Ovqatlanishdan 15 daqiqa oldin ichilgan bir stakan suv sizni kamroq ovqat bilan to’yib qolishingizga imkon beradi.
Suv murakkab ozish dasturining muhim qismidir. Ovqatlanishdan 30 daqiqa oldin va undan bir yarim soat keyin suv ichish kerak.
Jismoniy faollik: ozishning ishonchli yo’li
Jismoniy yukni sog’ligingizni hisobga olgan holda tanlang. Bu raqsga tushish, yoga, ertalablari yugurish, suzish, trenajerlar va boshqalar bo’lishi mumkin. Ammo mashg’ulotlar muntazam bo’lishi kerak. Odatda, ozish va mushaklarni kuchaytirish uchun haftasiga 3 marta mashq qilish kifoya.
Oddiy narsalarda ham harakat qilish imkoniyatini izlang. Ko’proq piyoda yuring, lift o’rniga zinapoyadan ko’tariling. Qo’shimcha bo’sh vaqtni iloji boricha tashqarida o’tkazing.
Ko’pincha ozish kerak bo’lsa, bo’lib-bo’lib oziqlanish juda yaxshi samara beradi, ko’pincha shifokorlar faqatgina ovqatlanish tartibini o’zgartirishning o’zidayoq ijobiy natija ko’rishadi.
Yaxshi kayfiyat — zararsiz ozish usullaridan biri
Salbiy his-tuyg’ular va o’z-o’ziga achinish ko’plab kishilarni yuqori kaloriyali mahsulotlarni, shirinliklarni iste’mol qilishiga sabab bo’ladi. Bu muammolardan ruhan chalg’ishga yordam beradi. O’zingiz uchun doimo ijobiy his-tuyg’ular manbalarini izlang (sevimli mashg’ulotlar bilan shug’ullanish, bolalar bilan muloqot qilish, do’stlar bilan sayr qilish va h.k.). Yaxshi kayfiyatda bo’lganingizda ortiqcha ovqat iste’mol qilishni hohlamay qolasiz. Shunday qilib, siz taomnomani osonlikcha nazorat qilib, ozishni boshlaysiz.
Agar siz stress bilan oziq-ovqat orqali kurashmoqchi bo’lsangiz, yaxshisi shirinliklarni olma bilan almashtirishga harakat qiling.
