Qoshlarni bo’yash — usullari, sirlari, qosh uchun pardoz vositalarini to’g’ri ishlatish

Aniq va to’g’ri yuz tuzilishi, yorqin ranglar — bularning barchasi tabiiy go’zallikka urg’u berib, muayyan ijobiy taraflarni ajratib ko’rsatish, kamchiliklarni esa sezilmas qilishga yordam beradi. Qoshlarni bo’yoq, soyalar (тень) yoki qalam bilan qanday bo’yashni bilsangiz, siz osongina bir necha yilga yoshroq ko’rinib, ko’zlaringizning jozibadorligini yanada oshirishingiz mumkin.

Qosh bo'yash usullari

Qoshlarni qalam bilan bo’yash

Hozirda qizlar qoshlarga katta e’tibor ajratishmoqda. Ilgari qoshlarni ingichka, nozik qiib terish urfda bo’lgan bo’lsa, bugungi kunda ular keng va qalin bo’lishi urfga kirgan. Tabiat barcha qizlarni shunday chiroyli va ko’zga tashlanadigan qoshlar bilan siylamagan, ba’zi qizlar muntazam bo’yab turish kerak bo’lgan och rangli yoki nozik qoshlarga ega. Qoshlarni bo’yash uchun siz bo’yoq, qalam, soya, tush va hatto lab bo’yog’i ishlatishingiz mumkin. Qay birini tanlash kerakligini yaxshiroq tushunish uchun maqolada keltirilgan uchta variantni sinab ko’rishingiz kerak.

Ilgari, yuzning ushbu qismini bo’yash uchun faqat qalam ishlatilgan va bu turdagi barcha vositalar qo’llanilgan: lablar, ko’zlar uchun konturli qalamlar va boshqalar. Hozirda faqat qosh uchun mo’ljallangan maxsus qalamlar mavjud. Ularning farqi rang va yumshoqlikda. Ularni ishlatish ancha qulayroq, chunki shtrixlar yumshoq va tabiiy ravishda yotadi.

Qoshlarni bo’yashdan oldin, vositaning to’g’ri rangini tanlash kerak. Brunyet va shaten qizlarga blondinlarga nisbatan ancha osonroq, chunki rang noto’g’ri tanlansa, u to’qroq rang bilan aralashtirilib, kerakli tusni olish mumkin. Lekin, agar sizning qoshlaringiz yorqin rangli bo’lsa, ba’zi qoidalarni inobatga olishingiz kerak bo’ladi:

  1. Ideal holda, qalamning ranggi qoracharoq qizlarda sochlarning rangidan bir tonga och, oqroq qizlarda bir ton to’qroq bo’lishi kerak. Qovoqlar uchun qalam bilan bo’lgani kabi, noto’g’ri rang gammasini tanlab, o’zingizni bir necha yosh qariroq ko’rsatib qo’yishingiz mumkin;
  2. Faqatgina jigarrang va unga yaqin tuslar (rang turiga qarab) tabiiy bo’lib ko’rinadi. Albatta, bugungi kunda tatuaj qilish uslubi hali ham urfga kirgan, ammo u kamdan-kam hollarda tabiiy ko’rinadi va tatuajning rangi uchgach, u qoshlarning sun’iyligini aniq ko’rsatadigan kulrang rang bo’lib qoladi;
  3. Qoshlarni chiroyli tarzda bo’yash uchun, qosh chizig’ida bitta qalin shtrix emas, bir nechta kichik shtrixlar qilish kerak, agar kerak bo’lsa, terida bitta ingichka shtrix.
Qoshlarni qalam bilan bo'yash texnikasi
Qoshlarni qalam bilan bo’yash texnikasi. Foto: ladywow.ru

Bundan tashqari, siz avval ortiqcha tuklarni terib yoki kesib tashlashingiz kerak bo’ladi. Aks holda ular bo’yalgan konturdan chiqib qoladi va chiziqni buzadi.

Qoshni to’g’ri bo’yash haqida ko’rsatmalar:

  1. Qoshlar taraladi, teriladi va kesiladi;
  2. Shundan so’ng qosh shakli tanlanadi, bu ishning juda muhim qismi. Uycha shaklidagi burilish universal deb qabul qilinadi, asosiysi uni juda katta qilib yubormaslik kerak. Buning uchun ko’zning kattaligi va kesimi, ularning yuzdagi joylashuvi balandligini hisobga olish kerak. Uychaning yuqori qismi qovoqning uchinchi qismiga to’g’ri keladi;
  3. Endi bukilish yaqinida bir nechta sinov shtrixlarini tushirish kerak — bu bosimning zarur darajasini va tanlangan rangning to’g’riligini aniqlashga yordam beradi. So’ng yengil harakatlar bilan qoshni tashqi burchakdan ichki burchakka qarab bo’yash kerak;
  4. Qoshning oxiri bora-bora ingichkalashib borishini nazorat qiling — bu ko’proq tabiiy ko’rinadi;
  5. Agar qoshlar nafaqat yorqin, balki ingichka ham bo’lsa, qalam bilan teriga ham chizish kerak bo’ladi. Faqat qoshdan yuqori qism bo’yaladi, agar siz pastdan bo’yasangiz, ko’zlaringiz pastga tushgandek, nigoh esa charchagandek ko’rinib qoladi;
  6. Shundan so’ng, shtrixlarni yoyib, kerak bo’lsa, ularni tekislab chiqing.
Qalam bilan chizib chiqish
Qalam bilan chizib chiqish. Foto: ladywow.ru

Bu juda qulay usul, qolaversa pardoz qilishni o’rganishning eng oson va eng arzon yo’li hisoblanadi. Bundan tashqari, qoshni qalam bilan har kuni bo’yaganda qosh tuklariga zarar yetmaydi. Ko’pincha qalam o’rniga qizlar tushdan foydalanishadi. Ammo, bu variant faqat qoshlarni biroz qoraroq qilish kerak bo’lganda o’rinli sanaladi, yorqin rangli qoshlarda bo’yalgan alohida tuklar sezilarli bo’lib qoladi.

Qoshni bo’yash uchun soyalar ishlatish

Hozirgi kunda ko’plab kosmetologlar yuzning turli qismlarini bo’yash uchun mos keladigan maxsus soyalardan foydalanadi. Soyalar bilan qoshlarni uy sharoitida mustaqil bo’yash mumkin, hatto tajriba va ko’nikmalar bo’lmasa ham. Qalam bilan bo’yash texnikasidan ustunligi uslubning qulayligidadir, kamchiligi — qimmatligi va rangni tezda yo’qotilishida.

Qoshni bosqichma-bosqich soyalar bilan bo’yash uchun:

  1. Qalam bilan bo’lgani kabi, avval asosni tayyorlashingiz kerak bo’ladi: ortiqcha tuklar chetlarini kesish;
  2. Qosh uchun mo’yqalamcha va cho’tkacha olish kerak. Birinchisi bilan konturni chizsangiz, cho’tkacha soyalarni surtish uchun ishlatiladi;
  3. Mo’yqalamcha bilan qosh o’sishining quyi chizig’ini qosh dumigacha bo’yash kerak. Dumchani ayniqsa ehtiyotkorlik bilan chizing, bitta keskin harakat va u egri chiqadi;
  4. Shundan so’ng, qosh o’sishi markazini yengil ravishda soya bilan bo’yash kerak;
  5. Shu amalni yuqori o’sish chizig’i bilan takrorlang;
  6. Qosh egilishiga e’tibor bering. Yuzingizning shakliga qarab, chiziq burchagini tekis, aylana kabi yoki o’tkirroq qilishiningiz mumkin;
  7. Agar qalin qoshlar bo’yalayotgan bo’lsa, unda mo’yqalamcha bilan qosh markazi bir necha marta bo’yaladi, agar u ingichka bo’lsa — unda bo’yoqni bir tekis taqsimlang;
  8. Cho’tkacha yordamida soyalar yoyiladi va qosh taraladi.
Qoshlarni soyalar bilan bo'yash
Qoshlarni soyalar bilan bo’yash. Foto: ladywow.ru

Pardoz professional ko’rinishi uchun, pastki chiziq ostiga ozgina korrektor yoki och rangli tonal krem surtish mumkin — bu kontrastga urg’u beradi. Bunday pardozni suyuq soyalar bilan qilishni o’rganish oson, lekin kukunlilari ham to’g’ri keladi. Tabiiylik uchun yuqori ko’z qovog’idagi kirpiklar ostiga bir nechta shtrixlar qo’shishingiz mumkin.

Soyalar uzoqroq turishi uchun bir nechta sirlar:

  • Kukunli bo’yoqlari bilan bo’yashdan oldin qosh tuklari mum bilan ishlanishi kerak — u ishonchli va bardoshli asosga aylanadi;
  • Qo’llashdan keyin, bo’yalgan soha ustiga qog’oz salfetka tegizib oling — bu keyinchalik ko’zga to’kilishi mumkin bo’lgan yuqori qavatni olib tashlaydi;
  • Natijani shaffof gel bilan yanada mustahkamlash mumkin.

Qoshlarni bo’yoq bilan bo’yash

Eng tabiiy ko’rinish, qoshlarini bo’yoq, basma yoki xina bilan bo’yaganda olinadi. Bu usul yorqin, qizg’ish-sariq yoki oqargan qoshlarni bo’yash kerak bo’lganda qo’l keladi, chunki u qoshlarga yorqin va to’yingan rang berishga yordam beradi. Ushbu usulning asosiy afzalligi muddatdir — kamida ikki hafta davomida qoshlarni bo’yashni unutishingiz mumkin.

Tabiiy qoshlarni bo’yoq bilan bo’yash usuli:

  1. Bo’yashni boshlashdan qosh atrofidagi teriga yog’li krem, vazelin yoki lab uchun balzam surtish kerak, shunda rang teriga o’tmaydi;
  2. Bo’yash uchun faqat maxsus vositalar ishlatiladi. Hech qachon qoshni soch bo’yog’i bilan bo’yashga urinmang, bu allergik reaktsiyaga sabab bo’lishi mumkin. Agar siz xina va basma aralashmasini qo’llamoqchi bo’lsangiz, odatiy bo’yash uchun ishlatiladigan nisbatlar to’g’ri keladi, bu ikki tabiiy bo’yoq yordami bilan deyarli har qanday rangga erishish mumkin: qizil, jigarrang, shokolad, qora. Kerakli rangni boshidanoq to’g’ri tanlab olish maqsadga muvofiq, aks holda qoshlarni qayta bo’yab bo’lmaydi (rangi uchishini kutish kerak);
  3. Bo’yoqni surtishda soyalarni qo’llashdagi kabi usul qo’llaniladi. Avval kontur tushiriladi, keyin bo’yoq bilan to’ldiriladi. Qoshlarni yaxshiroq ko’rish va kerak bo’lganda kichik kamchilikni ham to’g’irlay olish uchun katta ko’zgudan foydalaning;
  4. Ko’plab ayollar homiladorlik vaqtida qoshlarni bo’yash mumkinmi yoki yo’qmi degan savolga berilishadi. Mutaxassislar buni tavsiya etishmaydi, chunki bu davrda bo’yoqning kimyoviy komponentlari rad etilishi ehtimoli yuqori bo’ladi. Reaktsiya paydo bo’lishi mumkin: yuz qizaradi, shishadi yoki toshma bilan qoplanadi. Shuning uchun homilador ayollar uchun qalam va soyalardan foydalanish yoki xina bilan rang berishi to’g’riroq bo’ladi;
  5. Bo’yoqni ushlab turish muddati bo’yoq brendiga va rangiga bog’liq. Ko’pincha u yarim soatdan keyin yuvib tashlanadi. Agar qosh rangi juda to’q bo’lib ketgan bo’lsa, vahimaga tushmang — bir necha yuvishdan keyin u yorqinlashadi.

Dastlabki bo’yashni salonda o’tkazgan yaxshi — shunda siz mutaxassislarning ishlash usulini va qanday vositalardan foydalanishini ko’rib olishingiz mumkin. Qoshni qanchalik tez-tez bo’yab turish kerakligi har bir individual holat uchun alohida bo’ladi. U qosh tuklarining tuzilishiga va asl rangiga bog’liq. Blondlar muolajalarni har ikki haftada bir marta takrorlashlari kerak bo’lsa, bryunetlarga oyiga bir marta bo’yash kifoya.

Matnda xatolik topdingizmi? Unda xatolikni ajratib, Ctrl+Enter ni bosing.

1 yulduz2 yulduz3 yulduz4 yulduz5 yulduz 1 ta baho berilgan
Загрузка...
Загрузка...
loading...

Добавить комментарий

Ваш e-mail не будет опубликован. Обязательные поля помечены *