Makiyaj qilish — usullari, sirlari, qoidalari, makiyaj qilishni o’rganish uchun foto va video

O’z rangingizga mos keladigan alitrani tanlash qobiliyati muvaffaqqiyatning faqatgina yarmi hisoblanadi, qolgani esa yuzga makiyaj qilish qoidalarini bilishga bog’liq. Sifatli makiyaj qilish — butun boshli ilmdir. Biz uni o’rganishingiz, pardozning dunyoviy mutaxassislariga biroz bo’lsada yaqinroq bo’lishingizga yordam beramiz.

Makiyaj qilish haqida

Makiyaj qilishning asosiy qoidalari

Nazariyasiz hech bir ish qilib bo’lmaydi, shuning uchun sizga asoslarni chuqurroq o’rganish, makiyaj qilish sirlari va uni uy sharoitida qanday bajarish kerakligini o’rganish kerak bo’ladi.

  1. Toza teri — bu aksioma. Tozalangan, pokiza va chiroyli terisiz ish boshlab bo’lmaydi. Tonnalab tonal krem va upalar hatto eng katta nuqsonlarini ham yashiradi, lekin aksariyat hollarda, agar shunday ish tutilsa, siz kulgili va bir necha o’n yilga qarigandek ko’rinib qolasiz. Shuning uchun, makiyajdan oldin yuzni losyon va toniklar bilan tozalash kerak. Bundan tashqari, hech qachon makiyaj bilan uyquga ketmaslik talab etiladi.
  2. Yuqori sifatli kosmetika. Bozordan arzon narxda sotib olingan kosmetika teriga qimmatli kosmetika turlari kabi yotmaydi, bundan tashqari, ular allergiyani keltirib chiqarishi mumkin. Sifatli kosmetikadan foydalaning. Biz professional kosmetika xarid qilishga undamaymiz, ammo to’g’ri kelgan lab bo’yog’i yoki tonalkadan foydalanish ham tavsiya etilmaydi;
  3. O’z rang turingiz va yuz shaklingizni inobatga oling. Yuzning har qanday kamchiligida makiyaj qilishning o’ziga xos usuli mavjud. Ularni e’tiborsiz qoldirmang.

Video: tonal kremni qo’llash:

Endi makiyaj uslublari haqida gapiraylik. Makiyaj qilishdan oldin, uning mos kelishi haqida o’ylab ko’ring. Ideal kundalik makiyaj — ko’zga yalt etib tashlanmaydigan, yengil pardoz sanaladi. Bu tabiiy ranglar, yorqin bo’lmagan lab bo’yog’i, jigarrang tush. U ishga yoki tunggi pardoz sifatida ishlatilishi mumkin. Kechga yaqin ayollar kechki makiyaj qilishlari kerak. Bu demakki, yuzni yanada ko’proq ifodali etish uchun podvodka va mo’yqalamlardan foydalanish kerak.

Hayot tarziga, insonning norasmiy qiziqishlari va boshqa o’ziga xos xususiyatlariga qarab, bo’yanishning boshqa asosiy turlari va shakllari ajratiladi:

  • Gotik yoki tungi, qora va oq tuslarda, yorqin qilib chizilgan ko’z va lablar bilan. Oq upa va qora rangli qalamdan foydalanish talab teiladi;
  • Gotik uslubdan uzoq bo’lmagan Emo uslubi: qora rang bilan qalin chiziqli bo’yalgan ko’zlar va lablar;
  • Odri Totu uslubida fransuzcha makiyaj. Bu uslub ko’zga tashlanmaydigan qilib bo’yalgan ko’zlar va lablar, tabiiy rangli tonal krem va jigarrang soyalardan foydalanishni nazarda tutadi. To’lacharoq ayollarga juda yaxshi mos keladi. Ushbu uslubning boshqa varianti ham bor, unda soyalarni ishlatmasdan, faqat strelkalarni chizish kifoya;
  • Yunoncha bo’yanish — juda ko’p strelkalar va yorqin ranglar.

Nazariyadan amaliyotga qadar

Ko’rinmas yoki tabiiy makiyaj — bu uslubiylik namunasi, ammo tabiiy ranglarni qanday qilib qo’llashni bilish kerak. Professional make-up — ideal asosdir. Mos keladigan rangli suyuq ton ishlating (bu rang yoki obrazning kontekstiga, yoki rang tipi bo’yicha mos kelishi kerak, ideal variantda har ikkala parametr bo’yicha ham). Tabiiy palitralarni to’g’ri qo’llashni qanday o’rganish mumkin va bunday pardoz kimlarga mos keladi?

Video: pomada surtish

Moda uylari o’z namoyishlarida so’nggi paytlarda ko’proq strelkalar va yumshoq rangli pomadalar aks etgan yorqin rang sochli modellarni taqdim etishmoqda.

Biz mashhur stilistlarning bergan tavsiyalarini ko’rib chiqishni taklif qilamiz:

  • Ko’zlari kichik bo’lgan bekalar ko’zlarini «smoky eyes» uslubida bo’yashlari kerak. Ushbu texnikani uy sharoitida osonlikcha bajariladi;
    Ko’zlarni pardoz yordamida kattalashtirish usullari→
  • Yonoqlarga urg’u bering, shunda yuz yanada ifodali bo’ladi, bu Anjelina Jolining vizajisti tavsiyasi;
  • Gipoallergen kosmetika sotib oling, ayniqsa ko’zlaringizni grim qilayotganda;
  • Yoz faslida yog’li asos yoki ton osti uchun krem ishlatmang (bu umuman noto’g’ri) — terlagan yuzga makiyaj qilmagan yaxshi;
  • To’kiluvchan soyalarni quruq sponj yengil bilan qoqib tushiring yoki shunchaki yuzga shamol qiling.

Makiyaj qilishda bryunetkalarga qanday maslahatlar mavjud? Dastlab, dramatik ranglarni ishlatishni cheklang. Faqat bitta narsaga urg’u bering: yo ko’zlarga, yoki lablarga. Yuraklarni zabt etishda eng afzali mushuklarniki kabi nigohdir, shuning uchun ko’zni bo’yashni o’rganamiz.

Rumyana surtish usullari
Foto — Rumyanani qanday surtish kerak

Terini tozalang, yuzni tekislang. Buning uchun tonal krem va upa oling, garchi so’nggi vositani yosh yoki muammoli teri uchun ishlatish tavsiya etilmaydi. Endi asosni surtamiz, yaltirashni bartaraf etish va ko’z ostidagi doiralarni yashirish uchun upani ishlatamiz. Yonoqlarga rumyana bilan urg’u beramiz.

Agar rumyana bilan faqatgina kontur chiziqqa emas, balki ko’zning ichki burchaklariga ham yengil rang berilsa, bu holda mukammal romantik obraz hosil bo’ladi.

Ko’zning ichki burchagini to’qlashtirish — ko’zlar chuqur joylashgan bo’lsa va ko’z qovoqlari tushgan bo’lsa, eng ajoyib texnikadir.

Keyingi navbatlarda o’z xohishingizga binoan bo’yanishni taklif qilamiz, lekin obraz uslubini hisobga olgan holda.

Makiyajda lab bo'yog'i surtish
Foto — lab bo’yog’i surtish

Sariq sochli qizlar kundalik makiyaj qanday qilishlari kerak, moviy rang ko’zlar uchun qanday soyalar mos keladi — bosqichma-bosqich keltirib o’tamiz. «Smoky eyes» — hozirda mashhur trend. Och rangli terida Yoz va Bahor rang tipidagi makiyaj qilish uchun bizga kerak bo’ladi:

  • Tabiiy asos;
  • Soylarning pastel ranglari;
  • Jigarrang tush va qalam.

Teri rangi oqroq bo’lgan qizlar yuz terisini sinchkovlik bilan tekishlashlari kerak. Biroq, agar rumyana ishlatilmasa, yuzingiz tekis va ifodasiz bo’lib qoladi. Bizning yo’l-yo’riqlarimiz oddiy: bahorda yuzingizni tabiiy go’zalikka yaqin bo’lgan pastel yumshoq tonlar bilan bo’yang. Kamchiliklarni yashirish uchun korrektsiyalovchi qalamdan foydalaning, podvodkani esa faqat soya ostidan chizing.

Ko’z rangiga qarab kundalik makiyaj qilish usullari

Yashil rangli ko’zlarga makiyaj qilishda iliq gamma kerak. Bu, ayniqsa, kuzda, yon atrof tillarang tusga kirganda ayni o’rinlidir. Yashil rangli ko’zlarning go’zalligi binafsha va ko’k rangli soyalar bilan ham yaxshi ta’kidlanadi.

Kuz rang tipida yonoqlarni g’isht rangli rumyana bilan bo’yash, lablar esa ko’zlar bilan bir xil palitrada bo’lishi kerak.

Ko'zga soya surtish
Foto — soya surtish

Jigarrang ko’zli shatent va bryunetkalarga pardoz qilish osonroq bo’ladi. Qish rang tipining kulrang tuslarini ishlatishni tavsiya etamiz. Soch rangini qizil rangli lab bo’yog’i bilan ta’kidlang (u individual ravishda tanlanadi).

Qizg’ish sochli bekalar uchun soyaning ideal rangi yashil, shuning uchun qizil sochli qizlar zamonaviy makeup smoke`ni barcha yashil ranglarda faol ishlatishi kerak.

Makiyaj qilishda foydali sirlar:

  • Ko’zga soya yoki lablarga lab bo’yog’ini surtishdan oldin, terini tekislab oling, shunda bo’yoq osonroq va tekisroq yotadi va makiyaj chiroyliroq ko’rinadi;
  • Agar siz ko’zlaringizga Sharqona makiyaj qo’llashni o’rganmoqchi bo’lsangiz, qattiq mo’yqalamchali podvodka va binafsharang soyalarni ishlating;
  • Qoshlarini bo’yash va shundan so’ng ularni tarash muhimdir. Buning uchun maxsus cho’tkalardan foydalaning. Ortiqcha narsalarni yo’qotish kerak: ajralib chiqib turuvchi tukchalar, yorqin chiziqlarni artish;
    Qoshlarni bo’yash haqida→
  • Yoshi kattaroq ayollar va o’smir qizlar qizil lab bo’yog’i yoki shu rangdagi ko’z uchun soyalar bo’lgan yorqin makiyajdan foydalanmaganlari ma’qul.

Video: soya surtish

Sharqona uslubdagi makiyaj

Ko’pchilikning internet sarhadlarida anime qizlarga ko’zi tushgan bo’lishi mumkin. Bu «yaponcha uslub» deb nomlangan makiyajda yangi tendentsiya hisoblanadi. Buni amalga oshirish uchun, yuzga iloji boricha ochroq rang berish va ko’zlarga urg’u berish kerak. Qoracharoq va giperpigmentatsiyadan aziyat chekadigan qizlar uchun terini oqartirish mushkul vazifa sanaladi, shuning uchun klassik anime-meykapdan ba’zi bir chekinishlarga yo’l qo’yiladi. Sxema quyidagicha:

Terini oqartiramiz, pudra surtamiz, rumyana ishlatilmaydi. Agar siz rasmlarga qarasangiz, bunday pardozlarda bu smoky eyes mavjudligini ko’rasiz. Lablar bo’yalmaydi yoki yengil ochroq qilinadi.

Ko'zga yashi rangli soyalar surtish
Foto — yashi rangli soya surtish

Amaliy tavsiyalar

  • Tabiiy materiallardan tayyorlangan mo’yqalamlardan foydalaning;
  • O’rgatuvchi fotosuratlar va videolarini ko’rib chiqishni unutmang;
  • Makiyaj qilishda yuzning turi, ko’z va lablarning shaklini inobatga oling.
1 yulduz2 yulduz3 yulduz4 yulduz5 yulduz 1 ta baho berilgan
Загрузка...
yuklanmoqda...

Добавить комментарий

Ваш e-mail не будет опубликован. Обязательные поля помечены *