Psixologik test: xarakterni aniqlash, shaxs tipologiyasi. Mayers-Briggs sinovi

Mayers-Briggs tipologiyasi (MBTI) — 1940-yillarda Yunga tipologiyasi asosida yuzaga kelgan va AQSh va Yevropada keng tarqalgan shaxs tipologiyasidir. Test ba’zan tanqid qilinishiga qaramasdan, u shaxs xarakterini aniqlash uchun muhim kalit bolib qolmoqda. Umumiy qilib aytganda, uning yordamida kishilarning dunoyni qanday idrok etishi va qay tarzda qaror qabul qilishi aniqlanadi. Ko’pgina G’arb kompaniyalari ishga qabul qilishdan oldin xodimlardan Mayers-Briggs testidan o’tishni talab qiladi.
Psixologik test: xarakterni aniqlash uchun sinov

Vikipediyada keltirilgan ma’lumotlarga ko’ra, amerikalik bitiruvchilarning 70 foizga yaqini o’zlarining kuchli tomonlarini o’rganish va kelajakdagi kasbini tanlash uchun aynan ushbu sinovdan o’tishar ekan.

Umuman, bu psixologik test kishiga o’zini tahlil qilish imkoniyatini beradi, shuning uchun biz siz uchun ushbu maqolani va xarakterni aniqlash uchun onlayn psixologik testni tayyorladik.

Psixologik testning 4 deskriptori

Testning o’zi biroz quyiroqda, dastavval uning mohiyatini tushunib olish kerak.

MBTI psixologik test tizimining mohiyati shundan iboratki, kishi shaxsiy omillarining unikal kombinatsiyalarini o’lchab, uning uchun o’zini qulay va ishonchli his qilishga imkon beradigan ma’lum bir faoliyat turi, harakat uslubi, qaror qabul qilishi tabiati va boshqa xususiyatlarini taxmin qilish mumkin.

Shu sababli inson xarakterini o’rganganadigan 4 shkala (deskriptor) yaratilgan:

  • Idrok orientatsiyasi (introversiya — ekstraversiya);
  • Vaziyatda orientatsiya (teran fikrlash — sezgi);
  • Qaror qabul qilish asoslari (logos — pafos)
  • Yechimlarni tayyorlash usuli (ratsionallik — irratsionallik)

Har bir shkala bo’yicha quyida batafsil.

EI shkalasi: idrok orientatsiyasi

Introvertlar (I-tip) «sariq pressa» aks ettiradigandek «yopiq» va aloqaga kirishmaydigan shaxslar emas. Ular yaxshi suhbatdosh va xushchaqchaq hamroh bo’lishi mumkin, ammo o’zlari yakka holda yaxshiroq ishlashadi va ko’proq energiyaga ega bo’lishadi. Bunday odamlar so’zdan ko’ra fikrni afzal ko’radilar, shuning uchun ular doimo biron narsani aytishdan oldin yaxshilab o’ylashadi.

Ekstravertlar (E-tip) da kommunikativlik ko’p gapirish bilan chegaradosh. Ular uchun boshqalar bilan ishlash qiziqroq. Ular muammolarni eshiklarni yopib olib, yakka holda emas, murosa topishga imkon beradigan muhokama qilish orqali hal qilishadi. Ammo ularning ko’p gapirishlari ko’pincha o’zi haqida bildiradi.

Oddiy so’zlar bilan aytganda, EI shkalasi idrokning umumiy orientatsiyasini ifodalaydi:

  • E (ekstravert) — tashqi ob’yektlarga orientatsiya;
  • I (introvert) — o’z-o’ziga, ichkariga orinentatsiya.

SN shkalasi: vaziyatda orientatsiya

«Sensing» so’zining «teran fikrlash» deb tarjima qilinishi ko’p ham to’g’ri emas. S-tipiga mansub shaxslar, vaziyatni baholashda «sensorlar» — ko’rish, eshitish, tegish yordamida tushuna va his eta oladigan barcha detallarni hisobga oladi. Ular tashqi, oldindan ma’lum bo’lgan ma’lumotlarga tayanadi va qaror qabul qilishda vaziyatni yaxshilab o’rganib, tarozining har pallasiga solib ko’rib, ketma-ketlika amal qiladi. Ular har doim aniqlik bilan ish olib boradi, ular uchun dalillar bilan tasdiqlanmagan taxminlar ahamiyatga ega emas, hozir va shu yerda sodir bo’layotgan hodisalar birinchi o’rinda turadi.

N-tip ko’proq ichki sezgiga (intuitsiyaga) tayanishga moyil. Ko’pincha, ular yaxshi rivojlangan tasavvurga ega bo’lgan odamlardir, ular uchun bu dunyo — imkoniyatlar jamlanmasidir. Ular dalillarga beparvoroq bo’lishadi, biroq global tasvirni ko’rishga, voqealar rivojining turli yo’llarini bashorat qilish imkoniga ega.

Oddiy so’z bilan aytganda, SN shkalasi — muayyan vaziyatda qay tarzda orientatsiya olish usulini aks ettiradi:

  • S (sensorlar) — dalillar va olingan tajribaga asoslanadi;
  • N (iNtuition) — sezgilarga, umumiy ma’lumotga asoslanadi.

TF shkalasi: qaror qabul qilish asosi

Qaror qabul qilish mashhur dixotomiyaga asoslangan: his-tuyg’ular (EQ) va aql (IQ).

T-tipi — bu mantiq (logika) ular uchun birinchi navbatda bo’lgan odamlardir. Ular aql ovoziga ergashib, yettib o’lchab, bir kesadilar. Mazkur tipologiyaga mansub vakillar axborotni yaxshi tahlil qilishadi, ular adolatli va ob’yektiv shaxslar hisoblanadi.

F-tipi — siz fizika yoki matematikadan masalani yechishga yordam so’rash uchun birinchi bo’lib unga murojaat qilmaydigan, biroq, o’z xursandchiligingiz yoki qayg’uingizni bo’lishish uchun birinchi uning yoniga shoshadigan kishidir. Bu shaxslar empatlar bo’lib, ular uchun insonning his-tuyg’ulari deyarli boshqa barcha narsadan ko’ra muhimroq. Ular emotsional intellektlari rivojlangan shaxslar bo’lib, ko’pincha mantiq emas, balki aynan his-tuyg’ularga asoslanib qaror qabul qilishadi.

Qisqacha qilib aytganda, TF shkalasi inson qanday qilib qaror qabul qilishini belgilaydi:

  • T (tafakkur, mantiq, logika) — barchasini ratsional ravishda «yoqlangan» va «qarshi» ga tortish qobiliyati;
  • F (tuyg’u, axloq, etika) — qarorlar hissiyotlarga asoslangan holda qabul qilinadi.

JP shkalasi: yechimlarni tayyorlash usuli

P-tipiga mansub bo’lganlar, keng qamrovli nazorat va rejalashtirishga qodir emas, biroq bir nechta kanal orqali bir vaqtning o’zida ko’plab ma’lumotlarni olishlari mumkin. Ular ko’p vazifalar ustida ish olib borishadi, bajarish uchun qisqa vaqt berilgan vazifalarni yaxshi bajaradilar, biron narsa rejalashtirilmagandek ketadigan bo’lsa, vahima qilmaydilar. Bunday kishilar o’zgarishlarni yaxshi qabul qilishadi, chunki moslashish qobiliyati — ularning kuchli tomoni.

J-tipi, aksincha, faqat bitta vazifa ustida ish olib borishadi, rejalashtirish va algoritmlashtirishga moyil bo’lishadi. Birinchidan, barqarorlik ular uchun muhim, ular betartiblikni bartaraf etishga va har qanday muammolarni hal qilishda barchasini oldindan yaxshilab o’ylab, barcha usullarni qo’llash bilan yondashishga harakat qilishadi. Bunday odamlar maqsadlarni belgilash, ustuvorliklarni aniqlash va natijalarga erishishda yaxshiroq natijalar ko’rsatadi.

Oddiy so’zlar bilan aytganda, JP shkalasi — bu yechimning qanday tayyorlanishi:

J (mulohaza va ratsionallik) — rejalashtirish va tartiblash;
P (his qilish va irratsionallik) — sharoitga qarab harakat qilish, moslashish.

20 savoldan iborat onlayn testdan o’tish

Quyidagi test insonning har bir dixotomiya uchun qaysi «qutbga» ko’proq moyil ekanligini aniqlashga yordam beradi. Testda 20ta savol mavjud: har bir deskriptor uchun 5 tadan savol. Aynan toq sonli savollar sizning u yoki bu qutbga moyil ekanligingizni anglash imkonini beradi, juft savollar ba’zan o’rta natijalarni ko’rsatishi mumkin (50/50).

Sinovni boshlashdan oldin quyidagi narsalarni tushunish muhim:

  1. Hech bir, hatto eng batafsil va ko’p sonli savollar ham insonning barcha xatti-harakatlarini aniq ifodalab berishga qodir emas. Ushbu test faqatgina «chegaralarni belgilash» va shaxs xususiyatlarining birini to’liq ustunligi emas, balki ko’proq shu tomonda ekanligini ko’rsatadi. Barcha shaxslar individual hisoblanadi.
  2. Qaysi toifaga mansubligidan qat’iy nazar, har bir kishi o’zining kundalik hayotida o’zi uchun imtiyozli qutblarni qo’llaydi, lekin har xil o’lchovda. Masalan, biz yaxshi tanishlarimiz bilan ochiq, lekin boshqalar bilan ko’pincha introvert bo’lishimiz mumkin.
  3. Savollarga javob berishda, ko’pchilik hollarda siz uchun eng maqbul va qulay bo’lgan variantni tanlang. Har ikkala variant ham yoqmasa, eng kam yoqmaydigan variantni belgilash maqsadga muvofiq.
  4. Sinovdan o’tgandan so’ng, natijalar quyisida o’z xarakteringizning qisqacha ta’rifi bilan tanishib chiqishingiz mumkin. Barcha savollarga javob berishni unutmang, chunki javob tanlanmasa, natija umuman boshqa tomonga ketib qolishi mumkin.

Test kerakli tarzda ishlashi uchun brauzeringida JavaScriptni yoqing

Mayers-Briggs bo’yicha shaxs tipologiyasini aniqlash uchun test

1. Do’stlar orasida siz:2. Siz ko’proq darajada:3. Qaror qabul qilishda sizga quyidagilarning qay biri bilan ishlash qulayroq:4. Qay holda siz o’zingizni yaxshiroq his etasiz:5. Kechki bazmlarda siz:6. Oddiy ishlarni bajarganda sizga qay holat ko’proq xush keladi:7. Siz ko’pincha o’zingizni qay tarzda tutasiz:8. Aksariyat hollarda qay bir yo’lni tanlagan bo’lar edingiz:9. Jamoat ichida bo’lganda, siz odatda qay variantni xush ko’rasiz:10. O’z qiziqishingizga binoan kitob o’qiyotganda, yozuvchining qay uslubi sizga ko’proq ma’qul bo’ladi:11. Sizni ko’proq o’ziga tortadi:12. Ishonch bilan «Men» deya qay birini aytishingiz mumkin:13. Siz odatda:14. Siz uchun ko’proq o’rinli bo’lgan xususiyat:15. Quyidagi so’zlar juftligidan qay biri sizga ko’proq xush keladi:16. Quyidagi so’zlar juftligidan qay biri sizga ko’proq xush keladi:17. Quyidagi so’zlar juftligidan qay biri sizga ko’proq xush keladi:18. Quyidagi so’zlar juftligidan qay biri sizga ko’proq xush keladi:19. Quyidagi so’zlar juftligidan qay biri sizga ko’proq xush keladi:20. Ishlarda tartib jadvaliga amal qilish:

Natija:

Sizning shaxs tipingiz:

Idrok etish

0

Vaziyatlarda

0

Qarorlar asosi

0

Yechim topishda

0

16 xil shaxs turlari: test natijalarini talqin qilish

Testni bajarib, yuqorida tavsiflangan 4 deskriptorning kesishishi natijasida shakllangan 16 ta shaxs tipologiyasidan biri bo’lgan natija olinadi. Ushbu 16 turni tushunish osonroq bo’lishi uchun har bir toifaga shartli umumiy ism berilgan. Quyidagi xarakterni aniqlash uchun ta’rif siz olgan natijalarga tegishlidir.

Realist, administrator, boshqaruvchi: ESTJ

Juda ishchan, ijtimoiy-moslashgan tip, doimo boshlagan ishini oxiriga yetkazish kerakligini his etadi. Faoliyatini rejalashtiradi, atrofdagi narsalarga amaliy nigoh tashlaydi. Yaqinlariga muhabbat va g’amxo’rligini ko’rsatishga, shovqinli bazmlar, kompaniyani yaxshi ko’radi. Yumshoq ko’ngilli, ammo keskinroq, jahldor va qaysar bo’lishi mumkin.

Ular dunyoni «qanday bo’lsa, shunday» tarzda ko’rib, o’z sezgilarini ob’yektiv tilga o’giradilar. Ular o’z baholash tizimini boshqalarga ham uqdirishni, muayyan dasturga tayangan holda qat’iy harakat rejasini tuzish zarurligini his qilishadi. Biron joyda tartibni boshqarish — ular uchun eng tabiiy bo’lgan mashg’ulot. Bu toifada:

  • Erkaklar — 11%
  • Ayollar — 6%

Komandir, tadbirkor: ENTJ

U o’z imkoniyatlari va qobiliyatlarini aniq ajrata oladi, osonlikcha ilhomlanadi va yangi ishlarni boshlaydi, u ekstremal his-tuyg’ularni beradigan dinamik sport turlariga qiziqadi. Yangi tendentsiyalarni his qiladi, sezgisiga tayanib, tavakkalchilik qiladi. O’z ishida ishonch bilan yangi texnologiyalarni qo’llaydi, o’zini va atrofidagi dunyoni chuqur tahlil qiladi. Ijobiy fikrlash va odamlar bilan yaqin muloqot qilishga moyil. Deyarli har qanday vaziyatdan yo’l topib chiqib keta olishadi.

Barchasini nazorat qilishga ehtiyoj sezadi va noodatiy yetakchilik qobiliyatlariga ega. Ular yangi imkoniyatlar va tashabbuslarga doimo ochiq. Ular uchun hayot o’rganish maqsadida doimiy kurash, bahs, atrofdagilar bilan tortishishdan iborat.

  • Erkaklar — 3%
  • Ayollar — 1%

Tashkilotchi, inspektor: ISTJ

Ular tartibni va qat’iyatni yaxshi ko’radi, turli tomonlardan olingan ma’lumotlarni tahlil qilgan holda ishga chuqur sho’ng’ishadi. Muayyan pedantizm bilan ajralib turishadi. Barcha narsaga real ko’z bilan qaraydi, ishlarga faqat uni yakunlay olishiga to’liq ishonsagina kirishadi. Ular kishida ishonch uyg’otadi, lekin boshqa odamlar bilan qisqa kasbiy aloqalarini afzal ko’radi.

Ularda mas’uliyat hissi bor. Ularning xatti-harakatlari yakuniy natijalarga qaratilgan. Ob’yektiv, aniq, tezkor axborotlar ularda darhol «ichkariga» uzatiladi va diqqat bilan tahlil qilinadi. Ularning «shu yerda va hozir» ga asoslangan moyilligi biron narsaga umid qilgan holda qaror qabul qilishga imkon bermaydi. Ko’radigan barcha narsalari ular uchun ob’yektiv va his etiluvchi haqiqat bo’lib, bunda ular darhol ma’lum bir tartibni o’rnatadilar.

  • Erkaklar — 16%
  • Ayollar — 7%

Murabbiy: ENFJ

Juda emotsional shaxs, empatiya va keng spektrdagi emotsiyalarni aks ettirishga moyil. Ajoyib mimikaga ega, so’z ustasi. Ko’pincha ular yetakchilar hisoblanadi. Turli hodisalarni oldindan sezish va ularga tayyorlanishga qodir. Boshqalarning so’zlari va his-tuyg’ularidagi ziddiyatlarni darhol «tutib» oladi. Ko’pincha rashkka moyil bo’ladi, juftining sevgisiga ishonchi komil emas.

Ularning diqqati atrofidagi kishilarga qaratiladi va kim nimaga muhtoj ekanligini juda yaxshi biladilar. Ularning boy tasavvuri va ilhomlantiradigan tabiatlari o’zlarini juda aniq va uyushqoq tarzda ifoda etadi, bu ularga o’z fantaziyalarini amalga oshirish imkonini beradi. Vaziyatni intuituv tushunish qobiliyatiga ega.

  • 3% ayollar
  • 2% erkaklar

Ustoz, tarbiyachi, entuziast: ESFJ

Odamlarga emotsional bosim o’tkazish orqali ularga ta’sir qilish qobiliyatiga ega, shu bilan birga ular bilan yaxshi kelishadi, kayfiyatni ko’tarish, boshqa inson uchun o’z manfaatlarini qurbon qilishga va yaqinlariga mehr va g’amxo’rlik ko’rsatishga qodir. Ishda u har narsaga o’z mehnati orqali erishadi, boshqalar uning afzalliklariga e’tibor qaratishlarini yoqtiradi. Bunday kishilar ko’pincha mashxur bo’lishadi.

Yechimga moyillik ularga istalgan kishi bilan osonlikcha aloqa o’rnatish uchun kerak bo’lgan hamma narsani beradi. Ularning sub’yektiv sezgirligi har qanday vaziyatga uyg’unlik kiritadi va bir vaqtning o’zida uni tartibga solishga urinadi, voqealar rivojini ma’lum bir oqim bo’ylab yo’naltiradi: va ular buni yumshoq, lekin qat’iy ravishda bajarishadi.

  • 17% ayollar
  • 8% erkaklar

Tahlilchi, bashoratchi, ilhomlantiruvchi: INTJ

Asosiy vazifani ikkinchi darajali vazifalardan ajrata oladi, quruq gaplarni yoqtirmaydi, aniq amaliy fikrlashga moyil bo’ladi. Bu kishilarda hayotning har bir jabhasi uchun rejalari bor. Ishda bu toifa shaxslar boshqalarga qaram emasligini namoyish etgan holda noodatiy g’oyalarni qo’llashni yoqtiradi. To’g’ri javoblarni bilmagan vaziyatlarda intuitsiyani qo’llaydi. Shovqinli kompaniyalarni xush ko’rmaydi, boshqa odamlar bilan munosabatlarni o’rnatishda qiyinchiliklarga duch keladi.

Ularning boy ichki dunyosi, barcha narsani yaxshilash va takomillashtirish istagi shaklida amalga oshiriladigan cheksiz imkoniyatlarni saqlaydi. So’zlar, rejalar, loyihalar, g’oyalar, odamlar — ular hamma narsani hozirgisidan ko’ra yaxshiroq qilishni xohlaydilar. Ularning fikriga ko’ra, hatto eng yaxshi narsani ham yanada yaxshiroq qilish mumkin. Yakunlanganlikka intilishadi.

  • Erkaklar 3%
  • Ayollar 1%

Maslahatchi, konsultant, insonparvar: INFJ

Odamlar o’rtasidagi munosabatlarning xarakterini chin qalbdan his qiladi, ishonchga katta ahamiyat beradi, xiyonatni kechirmaydi. Tarbiyachi qobiliyatiga ega, boshqalarning yashirin qobiliyatlarini ro’yobga chiqarishga qodir. U o’z ustida ko’p ishlaydi, odamlar ko’pincha unga maslahat olish uchun murojaat qiladi. Juda nozik, agressiya va muhabbat yetishmasligini qiyin qabul qiladi. Juda sirli va sokin inson bo’lib ko’rinadi, qalbida idealist hisoblanadi.

Ularning harakatlantiruvchi kuchi — ichga yo’naltirilgan intuitsiya — ularga abadiy fikr va imkoniyatlar oqimini beradi. INFJ toifa shaxsda introversiya qanchalik katta rol o’ynasa, ularga hayot shunchalik o’zgaruvchan, bosiq va ochiq ko’rinadi. Ammo tashqi dunyo ilhom manbai bo’lgan bu ijodiy faoliyat oqimining yo’nalishini o’zgartiradi: ular odamlarga xizmat qilish kerakligini his etishadi va buni juda tartibli va uyushgan holda amalga oshiradi.

  • Ayollar 2%
  • Erkaklarning 1%

Ijrochi, qo’riqchi, himoyachi: ISFJ

Munosabatlarda soxtalik va yolg’onni yaxshi sezadi, odamlarni psixologik masofani belgilab, yaqin va begonalarga ajratadi. O’z tamoyillar va qarashlarida qat’iy turadi. O’zi va yaqinlari uchun «turib beradi», boshqalarning axloqiy ustunligiga toqat qilmaydi. O’zlarini va boshqalarni chuqur tahlil qilishga qodir. O’ta ma’suliyatli.

Ular tartibli, xushmuomala va yuqori darajada ijro etuvchi va g’amxo’rlik qiladigan shaxdir, ular barcha ko’radigan, eshitadigan, his qiladigan va ta’tiydigan narsalaridan kuch olishadi. Ushbu kuchlar atrofdagilarga xizmat qilishga yo’naltiriladi, bunda faoliyat rejalashtirilgan va hisoblab chiqilgan bo’ladi. Ular boshqalarga yordam berish va ularni yanada baxtli qilishni o’zlariga maqsad qilib qo’yadi.

  • 19% ayollar
  • 8% erkaklar

Kashf etuvchi, izlovchi, hayolparast: ENTP

U keng doiradagi qizishlar bilan ajralib turadi, yangi sharoitlar va ish uslublariga yaxshi moslashadi. G’oyalar generatori hisoblanadi, odatlar va oddiylikni yoqtirmaydi. Murakkab g’oyalarni o’zi birinchi marta tanishib chiqqan bo’lsa ham yaxshi tushuntirishga qodir. Fikrlashda ko’proq sintez qilishga moyil, tayyor komponentlardan yangi g’oyalarni yaratadi. Ular intellektual bahsdan hech qachon qochishmaydi.

Bu toifa kishilarning ixtirolar qilishga qodirligi Sprofessional va noprofessional sohalarda doimo keng tatbiq etishni izlaydi. Bularning barchasi yaxshi intuitsiyadan tomir oladi. Bu hamma narsa g’oyalar va sxemalarga aylanishiga olib keladi. Ularni yangi g’oyalar ko’proq qiziqtiradi, ular doimiy izlanishda bo’ladilar.

  • Erkaklar — 4%
  • Ayollar — 2%

Marshal, Realist: ESTP

Har qanday yo’l bilan g’alaba qozonish uchun jismoniy kuch ishlatishga moyil. To’siqlar uning g’alaba qozonish istagini faqatgina kuchaytiradi. U bo’ysunishni toqat qilmaydi, balki rahbarlik qilishni yaxshi ko’radi. Vaziyatni tahlil qilib, aniq harakat rejasini ishlab chiqishni afzal biladi va unga aniq rioya qiladi. Tavakkalchilikni xush ko’radi va g’alabaga erishsa, bundan cheksiz quvonadi.

Ularning e’tibori odamlarga va ob’yektlar dunyosiga qaratilgan. Ma’lumotlar besh sezgi a’zolari orqali to’planadi. Kelgusida axborot ob’yektiv baholanadi va tahlil qilinadi, biroq ayni paytda ular harakatchan va yangi muqobillar uchun ochiq bo’ladi. Har qanday vaziyatda tezkor, aniq, qimmatli, ob’yektiv va ifodali javob berishga qodir.

  • Erkaklar — 6%
  • Ayollar — 3%

Mediator, chempion: ENFP

Boshqa odamlarni nozik his etishga qodir, yaxshi rivojlangan fantaziyaga ega. Ijodiy ishlarni yaxshi ko’radi, monotoniya va oddiylikni yoqtirmaydi. Gapchan, odamlar bilan muloqot qilish sohasida amaliy maslahatlar berishni yaxshi ko’radi. Fikrlashi erkin, ijodkor shaxslar. Bu toifa kishilar sizning yuzingizda doimo tabassum uyg’ota olishadi.

Ekstraversiya, intuitsiya, sezuvchanlik va yaxshi o’zlashtirishga moyillik ularga yaxshi samarali hamkorlik qilish, turli tadbirlarda qatnashish va kutilmagan hodisalarga qarshi turish qobiliyatini beradi. Hayotni imkoniyatlarning xilma-xilligi bilan qabul qilishadi va bu imkoniyatlarni odamlarga bo’lgan ta’siri nuqtai nazaridan talqin etadilar. Bularning barchasi atrofdagi olam bilan faol hamkorlik qilish bilan birga kechadi, ularning qiziquvchan pozitsiyasi doimiy ravishda o’zgaruvchan vaziyatlarda to’g’ri orientatsiya olishga imkon beradi.

  • 10% ayollar
  • 6% erkaklar

Animator, siyosatchi, arbob: ESFP

Boshqalarning qobiliyatlarini ko’ra biladi va bu bilimlarni manipulyatsiya qilish maqsadida ishlatishga qodir Zaif nuqtalarini aniq belgilagan holda o’zidan zaifroqlar ustidan rahbarlik qiladi. Ular masofani saqlashni xush ko’radi, muloqotda ko’proq o’zining manfaatlarini o’ylaydi. Boshqalarning ko’zida ajoyib insonga o’xshab ko’rinishga harakat qiladi, lekin ko’pincha aslida bunday emas. Shunga qaramay, ular bor davrada hech kim zerikmaydi.

Ular uchun faqat «shu yerda va hozir» bilan bog’liq narsalar yetarlicha ishonchli. Ular asosan bugungi kun bilan yashaydilar. Yakunlashdan ko’ra ko’proq ish boshlashadi. Zudlik bilan erishiladigan natijalarga e’tibor qaratish ularni har qanday muolajalarga, shablonlar va boshqa to’siqlarga betoqat qilib qo’yadi. Ular har bir daqiqani foydali suhbatni boshlash uchun sarflashga harakat qiladilar. Insoniy munosabatlarning uyg’unlashishiga intiladi.

  • 10% ayollar
  • 7% erkaklar

Me’mor, tanqidchi, tahlilchi: INTP

Ushbu tip — falsafiy aqlga ega bo’lgan erudit. Juda ehtiyotkor, qarorni o’tmishni kelajak bilan bog’liq holda tahlil qilib va uning to’g’riligiga ishonchi komil bo’lganda qabul qiladi. U kuchli hissiyotlarni yoqtirmaydi, iliqlik va qulaylikni qadrlaydi. Ular o’z bilimlariga kuchli ishonishadi.

O’ychanlik ularga intuitsiya beradigan barcha narsani o’rganishga undaydi. Ob’yektivlikka intilishi ularning barcha ma’lumotlarini batafsil tahlil qilishini talab qiladi. Ular ko’pincha tinimsiz ravishda oshib borayotgan ma’lumotlarni bittaga jamlashga urinadi. Biroq, yangi xabarlar va dalillarning doimiy ravishda paydo bo’lishi bunga yo’l qo’ymaydi. Natijada, ularning g’oyalari va rejalari qanchalik puxta ishlangan bo’lmasin, so’nggi daqiqada ularga yangilik kiritilishi mumkin. Shu sababli ular doimo tarang holatda bo’lishadi.

  • Erkaklar — 5%
  • Ayollar — 2%

Usta, ishbilarmon: ISTP

His-tuyg’ulari ular uchun dunyoni o’rganishning asosiy manbai hisoblanadi. Empatiyani namoyish etadi, boshqa odamlarni yaxshi ko’radi va nozik his etadi, sun’iylik va yolg’onni rad etadi. Texnik fikrlash bilan ajralib turadi, qo’l mehnatini yoqtiradi va vazifalarni doimo kerakli vaqt ichida yakunlashga ulguradi. Juda botir va tajribalardan qochmaydigan kishi.

E’tiborni o’zlarida jamlaydi, qaror qabul qilishda ob’yektivlikka moyil, ular tezda o’z yechimini taklif etish va kurashga kirishishdan ko’ra ko’proq tahlil qilish, kutishga afzallik beradi. Dunyoga nisbatan ularning nuqtai nazari juda aniq, lekin ularning ochiqliklari bilan birgalikda, bu oldindan aytib bo’lmas harakatlarga olib kelishi mumkin.

  • Erkaklar — 9%
  • Ayollar — 2%

Passiv kuzatuvchi, shoir, tabib: INFP

Hayolparast va lirik shaxsiyat, intuitiv ravishda voqealar rivojini bashorat qilishi mumkin, odamlarning farqiga boradi, ularni yaxshi ko’radi va «his qiladi». Yaxshi hazilkashlik tuyg’usi bor, odamlarda do’stlashish istagini uyg’otadi. Bu turdagi shaxslar tashqi ko’rinishga katta ahamiyat beradi. Tejamkorlikni bilmaydi, ish vaqtida uzoq vaqt dam olishni yoqtiradi. Juda mehribon insonlar.

O’z-o’zini anglash, o’z taqdirini o’zi belgilash va o’zi bilan murosaga kelishga intiladi. Introvertlar fazilatlari tufayli, ularning fikrlari o’zlariga qaratilgan, intuitiv xossalari ularni cheksiz imkoniyatlar tuyg’usi bilan ta’minlaydi. Ta’sirchanlik ushbu xususiyarlani o’zingiz va boshqalarning foydasi uchun qanday foydalanishi haqida o’ylashingizga undaydi, qabul qiluvchi xislatlari esa doimiy axborot oqimiga sezgirlikni saqlab qolishga imkon beradi.

  • 5% ayollar
  • 4% erkaklar

O’ylab topuvchi, bastakor: ISFP

Oddiy hayotdan bahramand bo’ladi, oddiylik va monotoniyaga qarshi emas. Odamlar bilan yaxshi chiqishad, ularning shaxsiy makoniga hurmat bilan qaraydi va ulardan ham huddi shunday munosabatni talab qiladi. Hazil qilish, quvontirishni yoqtiradi, mojaroli vaziyatlaridan qochishga harakat qiladi. Ko’pincha yordamchi bo’lib faoliyat ko’rsatadi, boshqa odamlar nazarida kerakli va ahamiyatli bo’lib ko’rinishni yoqtiradi.

Mehribon va g’amxo’r, ochiq va harakatchan, o’ychan va bosiq, amaliy va oyog’i yerdan uzilmagan. Bu odamlar boshqalar ustidan rahbarlik qilishni va ularga ta’sir o’tkazishni xush ko’rmaydi, dunyoni o’zgartirishga intilmaydi va uni boricha qabul qiladilar.

  • 10% ayollar
  • 8% erkaklar

Reklama

Ushbu mazvuda 1 ta fikr qoldirilgan

Sharh qoldirish

E-mail manzilingiz chop etilmaydi. To'ldirish zarur maydonlar * bilan belgilangan.